پاکستان, صحت, صفحہ اول, ,

پنجاب میں سکول جانے والے بچوں کو اب مفت دودھ فراہم کیا جائے گا

پنجاب میں سکول جانے والے بچوں کو اب مفت دودھ فراہم کیا جائے گا

یونیورسٹی آف ایجوکیشن کی جانب سے 90 سکولز میں سکول ملک پروگرام منصوبے کا مرحلہ وار آغاز کر دیا گیا ہے، جس کے تحت 85 لاکھ روپے کی لاگت سے اسکول کے بچوں کو مفت دودھ فراہم کیا جائے گا۔

تفصیلات کے مطابق ملک پروگرام منصوبے کی افتتاحی تقریب لاہور میں منعقد ہوئی، جس میں پنجاب کے وزیر برائے اعلیٰ تعلیم راجہ یاسر ہمایوں سرفراز، وزیر برائے سماجی بہبود یاور عباس بخاری، وزیر برائے لائیو اسٹاک حسنین بہادر دریشک، یونیورسٹی آف ایجوکیشن کے وائس چانسلر پروفیسر ڈاکٹر طلعت نصیر پاشا اور فرائیز لینڈ اینگرو پاک لمیٹڈ کے منیجنگ ڈائریکٹر علی احمد خان نے بھی شرکت کی۔

تقریب سے خطاب کرتے ہوئے حسنین بہادر دریشک کا کہنا تھا کہ پاکستانی بچوں میں غذائی قلت کی شرح تشویشناک حد تک زیادہ ہے جس پرقابوپانے کیلئے حکومت نے سکول ملک پروگرام کا آغاز کیا ہے۔

 

یونیورسٹی آف ایجوکیشن کے پبلک سکول سپورٹ پروگرام کے تحت تیار کئے گئے اس منصوبے کے پہلے مرحلے میں اٹک اور شیخوپورہ کے دور دراز علاقوں میں موجود 90 پرائمری سکولوں کے بچوں کو دودھ فراہم کیا جائے گا، اور اس میں مرحلہ وار اضافے کی تجویز بھی زیر غور ہے۔

Author Since: Sep 04, 2021

Related Post